"The Galician Connection” é un disco íntimo, maduro e introspectivo que reafirmará a fulgurante carreira desta completa artista. É, sen dúbida algunha, o disco que mellor amosa a madurez dunha artista que soubo evolucionar.

Coas colaboracións da incrible voz de Rosa Cedrón, o jazz-acordeón de Victor Prieto Trio, a profunda voz da mezzo canadiense Patrice Jegou, o violín de Javier Cedrón e o seu cuarteto de corda, o bouzouki de Carlos Beceiro e un longo etc. de amigos e artistas incluídos os membros da súa banda: Laura Amado, David G. Outumuro, Raquel Pato e Xan Padrón.